काठमाडौं । पेट्रोलियम पदार्थको मूल्यमा भारी मूल्य घटाइएको छ । नेपाल आयल निगमले मंगलबारदेखि लागु हुनेगरी पेट्रोल, डिजेल र मट्टितेलको मूल्य ५ देखि ७.५ रुपैयाँसम्म घटाएको हो । त्यस्तै हवाइ इन्धनमा १४ रुपैयाँ मूल्य घटाइएको छ ।
यसअनुसार अब पेट्रोल प्रतिलिटर १६७.५० देखि १७० रुपैयाँ पर्नेछ । त्यस्तै, डिजेल १४७.५० रुपैयाँदेखि १५० रुपैयाँसम्म, हवाइ इन्धन १३६ रुपैयाँ पर्नेछ । ग्यासमा मूल्य यथावत राखिएको छ ।
यसअनुसार अव भारतसँग सीमावर्ती जिल्लाहरुमा पेट्रोल १६७.५० रुपैयाँ पर्नेछ । काठमाडाै, पोखरा, दीपायल लगायत स्थानमा १७० तथा बाँकी स्थानमा १६९ रुपैयाँ मूल्य कायम भएको छ ।
