काठमाडौं । २०० प्रतिशत हकप्रद निष्काशनका लागि घलेम्दी हाइड्रोपावरले विद्युत नियमन आयोगको अनुमति पाएको छ । कम्पनीले बुधबार आयोगबाट अनुमति पाएको हो ।
कम्पनीले १ः२ को अनुपातमा २०० प्रतिशत हकप्रद शेयर निष्काशन गर्ने भएको छ । सो कम्पनीको हाल चुक्त पुँजी ५५ करोडभन्दा बढी रहेको छ भने हकप्रद निष्काशन पश्चात १ अर्ब ६५ करोड माथि हुनेछ ।
कम्पनीको उक्त शेयर निष्काशन तथा विक्री प्रबन्धकमा मुक्तिनाथ क्यापिटल लिमिटेड रहेको छ ।
सो हकप्रद शेयर विक्रीबाट संकलित पूँजी सांग्रिला उर्जा लिमिटेडद्वारा प्रवर्द्धित संखुवासभामा रहेको ६३ मेगावाट क्षमताको छुजुङ्ग खोला जलविद्युत आयेजनामा ५१ प्रतिशतभन्दा बढी शेयरमा लगानी गर्ने योजना कम्पनीको रहेको छ ।
