काठमाडौं । नेपाल आयल निगमले हवाई इन्धनको मूल्य घटाएसँगै एयरलाइन्सको हवाई भाडा घटेको छ । निगमले मंगलबार हवाई इन्धनमा आन्तरिकतर्फ प्रतिलिटर १० रुपैयाँले घटाएको थियो ।
नेपाल नागरिक उड्डयन प्राधिकरणका अनुसार बुधबारदेखि लागु हुने गरी आन्तरिकतर्फ ९० रुपैयाँदेखि ४ सय ४५ रुपैयाँसम्म हवाई भाडा घटेको छ । प्राधिकरणका अनुसार काठमाडौंबाट धनगढीको उडानमा सबैभन्दा धेरै ४ सय ४५ रुपैयाँ भाडा घटेको छ ।
प्राधिकरणका अनुसार काठमाडौंदेखि पोखरा जाने भाडा १ सय ६० रूपैयाँ, काठमाडौंदेखि सुर्खेत पुग्ने भाडा ३ सय २० रूपैयाँ, काठमाडौंबाट रुकुमको हवाइ भाडादर २ सय ९५ रुपैयाँले घटेको छ ।
काठमाडौंबाट हुने माउन्टेन फ्लाइटमा ३ सय ४० रुर्पैयाँले भाडा घटेको छ । बढेको नयाँ भाडादर असार ६ गतेदेखि लागु हुने कम्पनीले् जनाएको छ ।
