काठमाडौं । आँखुखोला जलविद्युत कम्पनीले साधारणसभा बोलाएको छ । शुक्रबार बसेको कम्पनी सञ्चालक समितिको बैठकले सो निर्णय गरेको हो ।
कम्पनीले असार २२ गते अर्पण व्यांक्वेट बानेश्वरमा बिहान ११ बजे बस्नेगरी सभा बोलाएको छ । सो सभाले ऋण भुक्तानीको लागि १.१.५ को अनुपातमा हकप्रद शेयर जारी गर्नेछ ।
साथै, गणेश हिमाल जलविद्युत आयोजना (२० मेगावाट) मा ६० प्रतिशत लगानीको स्वीकृति गर्ने, कम्पनीको पुँजी वृद्धि गर्ने, लेखा परीक्षकको नियुक्ति गर्ने लगायतका एजेण्डा कम्पनीको रहेको छ ।
सो प्रयोजनका लागि कम्पनीले असार ३ गते बुक क्लोज गर्ने निर्णय गरेको छ ।
