काठमाडौं । बर्नार्ड आर्नल्टलाई उछिन्दै एलन मस्क फेरि विश्वको सबैभन्दा धनी व्यक्ति बनेका छन् । बिहीबार ब्लुमबर्ग बिलियनियर्स ट्यालीले सार्वजनिक गरेको विश्वका धनाड्यहरुको सूचीमा मस्क पहिलो स्थानमा परेका हुन् ।
२०२१ मा विश्वको सबैभन्दा धनी बनेका मस्क केही समयअघि टेस्लाको शेयरमा आएको भारी गिरावटका कारण दोस्रो धनी बनेका थिए ।
ब्लुमबर्ग बिलियनियर्स ट्यालीका अनुसार मस्कको नेटवर्थ १९२ बिलियन डलर र आर्नल्टको नेटवर्थ १८७ बिलियन डलर रहेको छ ।
त्यस्तै, जेफ बेजोस, बिल गेट्स र ल्यारी एलिसन क्रमशः १४४ बिलियन डलर, १२५ बिलियन डलर र ११८ बिलियन डलर सहित क्रमशः तेस्रो चौथो र पाचौँ स्थानमा परेका थिए ।
यसअघि फोर्बस्ले सार्वजनिक गरेको रिपोर्टमा आर्नल्ट २११ बिलियन डलर नेटवर्थसहित पहिलो स्थानमा र मस्क १८० बिलियन डलर नेटवर्थसहित दोस्रो स्थानमा परेका थिए ।
