काठमाडौं । कामना सेवा विकास बैंकले बुक क्लोजको मिति तय गरेको छ । सोमबार बसेको सञ्चालक समितिको बैठकले सो निर्णय गरेको हो ।
कम्पनीले वैशाख ३१ गते साधारणसभा बोलाएको छ । सो सभा प्रयोजनका लागि कम्पनीले बैशाख १५ गते बुक क्लोज गर्ने निर्णय गरेको छ ।
तसर्थ वैशाख १४ गतेसम्म कायम भएका शेयरधनीले मात्र कम्पनीको साधारणसभामा सहभागी हुन र लाभांश लिन सक्नेछन् ।
सो बैंकले गत वर्षको मुनाफाबाट चुक्ता पुँजीको ४.४१ प्रतिशत बोनश शेयर र कर प्रयोजनका लागि ०.२३२१ प्रतिशत नगद लाभांश वितरणको प्रस्ताव गरेको छ ।
