काठमाडौं । काठमाडौं उपत्यकामा एकैदिन ३ हजार २ सय ३७ जना सवारी चालक कारवाहीमा परेका छन् । टाफिक नियम उल्लङ्घन गरेको कारणले उनीहरुलाई सोमबार उपत्यकाको विभिन्न स्थानबाट कारवाही गरिएको काठामाडौं उपत्यका ट्राफिक प्रहरी कार्यालयले जनाएको छ ।
कारबाहीमा पर्नेमा मादक पदार्थ सेवन गरी सवारी साधन चलाउने १ सय २३ जना, लेन अनुशासन पालना नगर्ने ८१ जना, रेड लाइडमा सवारी साधन चलाउने ६० जना, निषेधित क्षेत्रमा हर्न बजाउने ६४ र नम्बर प्लेट राम्रोसँग नराख्ने ३५ जना, लिडारगन १ सय १३ चालक रहेका छन् । यस्तै २ हजार ७ सय ५० जना सवारी चालकलाई अन्य कारबाही गरिएको कार्यालयले जनाएको छ ।
