काठमाडौं । सानिमा बैंकको संस्थापक शेयर विक्रीमा रहेको छ । बैंकले संस्थापक शेयरधनीको नाममा रहेको ५ लाख १० हजार कित्ता संस्थापक शेयर विक्रीमा राखेको हो ।
उक्त शेयरको मूल्य न्युनतम १ सय ४५ रुपैयाँ मूल्य तोकिएको र उक्त शेयरमा आवेदन दिँदा न्युनतम २ लाख कित्ताका लागि आवेदन दिनुपर्ने बैंकले जनाएको छ । इच्छुक लगानीकर्ताले आफुले लिन चाहेको कित्ता र के कति रेटमा किन्ने हो सो को समेत विवरण खुलाई ३५ दिन भित्र बैंकको केन्द्रीय कार्यालय नारायणचौर नक्साल काठमाडौंमा आइपुग्नेगरी निवेदन पेश गर्न बैंकले अनुरोध गरेको छ ।
तोकिएको समयमा संस्थापक शेयरधनीबाट आवेदन नपरेमा बैंकले अन्य व्यक्ती तथा संस्थालाई विक्री गर्ने समेत जनाएको छ ।
