काठमाडौं । विश्व क्रिकेट लिग–२ मा उत्कृष्ट प्रदर्शन गरेको भन्दै एनएमबि बैंकले नेपाली टिमका सबै सदस्यलाई जनही २१ हजार रुपैया दिने घोषणा गरेको छ । बैंकले सम्मान र हौसला स्वरुप टिमका सबै १६ जनालाई जनही २१ हजार रुपैया दिने भएको हो ।
बैंकका प्रमुख कार्यकारी अधिकृत सुनील केसीका अनुसार, राष्ट्रका गौरवका रुपमा रहेका क्रिकेट खेलाडीले अब्बल खेलमार्फत राष्ट्रको नाम उचो राख्न अतुलनीय योगदान पु¥याएका कारण प्रोत्साहन स्वरुप सानो सहयोग गरिएको हो । खेलाडीको मनोबल उच्च कायम राखी राख्न सकेमा मात्र खेलाडी र खेलकुद जगतले फड्को मार्ने कुरालाई मध्यनजर गर्दै प्रतिभाशाली खेलाडीलाई सम्मान स्वरुप सहयोग गर्ने निर्णय गरेको कार्यकारी अधिकृत केसीले बताए ।
२०१९ देखि शुरु भएको विश्व क्रिकेट लिग –२ को कुल ३५ खेलमध्ये १८ वटामा जित हात पारेको नेपाली टिमले आज अनितम खेल युएईसँग खेल्दैछ । सोे खेलमा जित हात पारेमा नेपाल सिधै विश्वकपको ग्लोबल क्वालिफायरमा छनोट हुनेछ ।
आज जित हात पारेमा नेपालले पहिलो पटक विभिन्न टेस्ट राष्ट्रहरुसँग खेल्ने मौका पनि पाउनेछ । यो नगद पुरस्कारले पनि आजको खेलमा अझै उत्कृष्ट प्रदर्शन गर्न प्रोत्साहित गर्ने अपेक्षा बैंकले लिएको छ ।
