कालीकोट । जिल्ला अदालत कालीकोट नजिकै बम फेला परेको छ । सदरमुकाम मान्मस्थित जिल्ला अदालतको उत्तरतर्फको पर्खाल नजिकै बाकसभित्र बम फेला परेको हो ।
खानेपानी पाइपलाइनका लागि खन्ने क्रममा मंगलबार दिउसो सानो बाकसभित्र बम फेला परेको हो । बाकसमा तारजडान गरी प्लाष्टिकमा बेरेर राखेको अवस्थामा बम फेला परेपछि नेपाली सेनाले निस्क्रिय बनाएको थियो ।
सो बम सशस्त्र द्धन्द्धका क्रममा छाडिएको हुनसक्ने प्रहरीको अनुमान छ । गत कात्तिक १२ गते स्थानीय तिलागुफा १० रानावाडामा बेवारिसे बम खेलाउँदा २ बालबालिकाको ज्यान गएको थियो भने ३ जना घाइते भएका थिए ।
माओवादी शान्ति सम्झौतामा आएपछि जिल्लाका ९ ठाउँमा भएका बेवारिसे बम विस्फोटमा परेर ७ जनाले ज्यान गुमाई सकेका छन् भने ६ जना घाइते भएका छन् ।
