काठमाडौं । श्री एयरलाइन्सले पुनः उडानको अनुमति पाएको छ । नेपाल नागरिक उड्डयन प्राधिकरणले एयरलाइन्सलाई उडानको अनुमति दिएको हो ।
क्यानले श्री एयरलाइन्सलाई जहाजको इन्जिन सुरक्षा जाँच नसकिएसम्मका लागि सबै उडानमा रोक लगाएको थियो । श्री एयरलाइन्सका जहाज सुरक्षा जाँचमा उडान भर्न योग्य प्रमाणित भएपछि क्यानले उडान अनुमति दिएको हो ।
बिहीबार काठमाडौंबाट भैरहवा उडान भरेको जहाजको इन्जिनमा आगो लागेको संकेत देखिएपछि जहाज पुनः त्रिभुवन अन्तर्राष्ट्रिय विमानस्थल फर्काएर आकस्मिक अवतरण गरिएको थियो । सो निर्णयसंगै श्री एयरलाइन्सका सबै आठवटा जहाज ग्राउन्डेड थिए ।
