काठमाडौं । काठमाडौं उपत्यकामा एकैदिन २ हजार ८ सय २७ जना सवारी चालक कारवाहीमा परेका छन् । टाफिक नियम उल्लङ्घन गरेको कारणले उनीहरुलाई विहीबार उपत्यकाको विभिन्न स्थानबाट कारवाही गरिएको काठामाडौं उपत्यका ट्राफिक प्रहरी कार्यालयले जनाएको छ ।
कारबाहीमा पर्नेमा मादक पदार्थ सेवन गरी सवारी साधन चलाउने १ सय ५ जना, लेन अनुशासन पालना नगर्ने ७० , रेड लाइडमा सवारी साधन चलाउने ७२ जना, निषेधित क्षेत्रमा हर्न बजाउने ७० र नम्बर प्लेट राम्रोसँग नराख्ने २८ जना, लिडारगन १ सय १२ चालक रहेका छन् । यस्तै २ हजार ३ सय ७० जना सवारी चालकलाई अन्य कारबाही गरिएको कार्यालयले जनाएको छ ।
