काठमाडौं । मेगा बैंकले आफ्ना ग्राहकहरुको सुविधालाई ध्यानमा रोखेर फोनबाटै २ लाख रुपैयाँसम्म कर्जा पाउने व्यवस्था गरेको छ । बैंकले उपलब्ध गराएको उक्त कर्जा स्मार्टफोनबाटै तत्कालै लिन सकिने व्यवस्था गरिएको बैंकले जानकारी दिएको छ ।
ग्राहकहरुलाई आवश्यक रकम तत्कालै उपलब्ध गराउने उदेश्यले बैंकले एफ वान सफ्ट इन्टरनेसनलसँगको सहकार्यमा कर्जा सुविधा ल्याएको छ ।
यो सुविधा मार्फत बैंकमा आफ्नो मासिक तलब खाता भएका विभिन्न संघ संस्था तथा कर्मचारीहरूले ३० दिनसम्मका लागि अधिकतम दुई लाख रुपैयाँ लिन सक्ने जनाएको छ ।
बिना धितो र काजजात बिना नै बैंक समेत नगई फोनमार्फत तत्काल कर्जा पाउने भएकाले यो सुविधाले निकै सहज हुने मेगाले जानकारी दिएको छ ।
मेगा स्मार्ट बैंकिङ एपमार्फत अनलाइन आवेदन दिएको केही मिनेटमै ग्राहकलाई ‘भर्चुअल क्रेडिट कार्ड’ मार्फत् खातामा कर्जा रकम जम्मा गरिने बैंकले जनाएको छ ।
यद्यपि यसका लागि कर्जा लिन चाहने ग्राहकले आवश्यक सबै प्रक्रिया अनलाइनमार्फत पूरा गर्नुपर्नेछ । यस्तो अवस्थामा बैंकले तुरुन्तै पैसा दिने छ ।
