काठमाडौं । नेकपा एकीकृत समाजवादी (एस) ले प्रतिनिधिसभा उम्मेदवारहरुको टुंगो लगाएको छ । सत्ता गठबन्धमा सिट बाँडफाँट टुंगिएपछि समाजवादीले उम्मेदवारहरुको टुंगो लगाएको हो ।
यसअनुसार अध्यक्ष माधव नेपाल, सम्मानित नेता झलनाथ खनालदेखि सबै चर्चित अनुहारहरुले टिकट पाएका छन् । तनहुँबाट सांसद बनेका कृष्णकुमार श्रेष्ठ (किसान) यसपटक बारा क्षेत्र नं. ४ बाट चुनावमा उठ्दैछन् । त्यस्तै, विरोध खतिवडाले मकवानपुर २ मा टिकट पाउने भएका छन् ।
त्यस्तै, पूर्वमन्त्रीहरु रामकुमारी झाँक्री, विरोध खतिवडा र प्रेम आले पनि १९ जनाको सूचीमा समेटिएका छन् । बाग्मती प्रदेशका मुख्यमन्त्री राजेन्द्र पाण्डे यसपटक प्रतिनिधिसभामा धादिङ १ बाट उठ्दैछन् ।
हालका मन्त्रीहरु जीवनराम श्रेष्ठ, मेटमणि चाैधरी र शेरबहादुर कुँवर पनि प्रत्यक्षको सूचीमा परेका छन् । ललितपुर २ बाट कृष्णलाल महर्जन, उदयपुर २ बाट जगन्नाथ खतिवडा, कास्की २ बाट श्रीनाथ बराल, पाल्पा २ बाट सोमप्रसाद पाण्डे, रुपन्देही २ बाट राजु गुरुङ, सल्यानबाट प्रकाश ज्वाला, दैलेख १ बाट अम्बरबहादुर थापा र बझाङबाट भानुभक्त जोशी समेत उम्मेदवार बन्दैछन् ।
प्रतिनिधि सभामा एकीकृत समाजवादीका उम्मेदवार
१. इलाम क्षेत्र न. १ झलनाथ खनाल
२. उदयपुर क्षेत्र नं. २ जगन्नाथ खतिवडा
३। रौतहट क्षेत्र नं. १ माधवकुमार नेपाल
४. बारा क्षेत्र नं. ४ कृष्णकुमार (किसान) श्रेष्ठ
५. काठमाडौं क्षेत्र नं. ८ जीवनराम श्रेष्ठ
६. ललितपुर क्षेत्र नं २ कृष्णलाल महर्जन
७. धादिङ क्षेत्र नं १ राजेन्द्रप्रसाद पाण्डे
८. मकवानपुर क्षेत्र नं २ विरोध खतिवडा
९. कास्की क्षेत्र नं. २ श्रीनाथ बराल
१०. गुल्मी क्षेत्र नं. २ रामकुमारी झाँक्री
११. पाल्पा क्षेत्र नं २ सोमप्रसाद पाण्डे
१२. रुपन्देही क्षेत्र नं. २ राजु गुरुङ
१३. दाङ क्षेत्र नं. १ मेटमणि चौधरी
१४. सल्यान प्रकाश बुढाथोकी (ज्वाला)
१५. डोल्पा धनबहादुर बुढा मगर
१६. दैलेख क्षेत्र नं. १ अम्बरबहादुर थापा
१७. अछाम क्षेत्र न. १ शेरबहादुर कुवँर
१८. बझाङ भानुभक्त जोशी
१९. डोटी प्रेमबहादुर आले
