काठमाडौं । प्रतिनिधिसभाका १५२ सिटका लागि सत्ता गठबन्धनको सिट बाँडफाँट टुंगिएको छ । देशका १६५ निर्वाचन क्षेत्रमध्ये गठबन्धनले सो क्षेत्रमा उम्मेदवारको टुंगो लगाएको हो ।
यसअनुसार चितवन निर्वाचन क्षेत्र नम्बर ३ फेरि नेकपा माओवादी केन्द्रकै भागमा परेको छ । यसअघि माओवादीले प्रचण्डलाई गोरखा २ बाट चुनाव उठाउने निर्णय गरे पनि सो क्षेत्र माओवादीलाई नै दिइएको हो ।
त्यस्तै, नेकपा एमालेका अध्यक्ष केपी शर्मा ओलीको क्षेत्र झापा ५ मा नेपाली काँग्रेसले सत्ता गठबन्धनको तर्फबाट चुनावमा प्रतिस्पर्धा गर्ने भएको छ ।
