काठमाडौँ । दशैँ बिदाका समयमा पनि सर्वोच्चसहितका अदालतमा बन्दीप्रत्यक्षीकरणका निवेदनमा सुनुवाइ हुने भएको छ । न्यायाधीशबीच आलो पालो रूपमा सुनुवाइ हुने छ ।
घटस्थापना, शनिबार र विजयादशमीको दिनबाहेक सबै दिन बिदामा पनि बन्दीका रिटमा सुनुवाइ हुने छ । असाज १० गतेदखि असोज २३ गते सम्मको दशैँँ बिदामा सर्वोच्च र मातहतका अदालतमा तालिका लागू हुने छ । सो अवधिमा बन्दीप्रत्यक्षीकरणका रिट पनि दर्ता हुने छन् । रिटको सुनुवाइसम्बन्धी सर्वोच्चको सूचनामा भनिएको छ, “न्याय प्रशासन ऐ न–२०७३ को दफा २६ बमो जिम उक्त अवधिमा पर्ने घटस्थापना, शनिबार र विजयादशमीका दिनबाहेक अन्य दिनमा बन्दीप्रत्यक्षीकराको रिट लिई सुनुवाइ गर्न बिहान ११ बजे दे खि अपराह्न २ बजे सम्म अदालत खुला रहनेहुँदा सम्बन्धित सबैको जानकारीका लागि सूचना प्रकाशित गरिएको छ ।”
जिल्ला अदालतमा भने बन्दीप्रत्यक्षीकरण रिटको सुनुवाइसँगै फौजदारी कार्यविधिसंहिताको दफा ९ अनुसार का पक्राउ पुर्जी जारी गर्ने र पक्राउ अनुमति दिन काम पनि हुने छ । पक्राउ अनुमति दिने र पक्राउ गर्नका लागि शनिबार र विजयादशमीको दिनबाहेक जिल्ला तहका अदालतमा सेवा कायम रहने छ ।
