काठमाडौं । काठमाडौं फनपार्कले काठमाडौं महानगरपालिकालाई एकैदिन १७ लाख ३६ हजार रुपैयाँ कर बुझाएको छ । कर नतिरे बन्द गरिदिने चेतावनीपछि फनपार्कले बिहीबार राजश्व दाखिला गरेको हो । यो मनोरञ्जन करबापतको रकम हो ।
मनोरञ्जन कर बुझाए पनि अन्य कर भने फनपार्कले आज दाखिला गरेन । अब फनपार्कले व्यवसाय कर बुझाउन बाँकी छ । यो वडामा तिर्नुपर्छ । त्यस्तै, विज्ञापन कर, घरबहाल कर समेत बुझाउन बाँकी छ ।
महानगरपालिकाले बुधबार फनपार्कलाई कर बुझाउन २४ घण्टे अल्टिमेटम दिएको थियो ।
