भक्तपुर । सूर्यविनायक नगरपालिका–१ सिरुटार बिरुवा बसपार्कमा पार्किङमा राखेको बसमा तास खेल्ने ९ जना पक्राउ परेका छन् । पार्किङमा राखेको बसमा तास खेलिरहेको अवस्थामा प्रहरीले सिन्धुपाल्चोक मेलम्ची नगरपालिका–३ बस्ने जीवन अर्यालसहित ९ जनालाई मंगलबार बेलुका पक्राउ गरेको हो ।
विशेष सूचनाको आधारमा प्रहरी प्रभाग सिरुटारबाट खटिएको प्रहरीले उनीहरूलाई ७२ हजार ५ सय ४५ रूपैयाँ नगद र २ बुक ताससहित फेला पारी पक्राउ गरेको प्रहरीले जनाएको छ ।
