काठमाडौं । एकैदिन ट्राफिक नियम उल्लङ्घन गर्ने २ हजार ९ सय ७३ जना चालकहरू ट्राफिक प्रहरीको कारबाहीमा परेका छन् । मंगलबार काठमाडौं उपत्यकाका विभिन्न स्थानबाट सवारी चालकलाई प्रहरीले कारवाही गरेको हो ।
कारवाहीमा पर्नेमा मादक पदार्थ सेवन गरेर सवारी साधन चलाउने ७८ जना, सडक लेन उल्लङ्घन गर्ने १ सय ६९ जना, रातो बत्तीको उल्लङ्घन गर्ने १ सय ३७ जना रहेका छन् ।
यस्तै, निशेधित ठाउँमा हर्न बजाउने ११ जना, नम्बर प्लेट बिना चलाउने २८ जना, लिडारगनमा ३ सय २२ र अन्य २ हजार २ सय ७३ जना चालकलाई कारबाही गरिएको काठमाडौैं उपत्यका ट्राफिक प्रहरी कार्यालयले जनाएको छ ।
