काठमाडौं । काठमाडौं महानगरले टुँडीखेल र खुलामञ्च बिचको बाटोमा रातको समयमा हिंड्न रोक लगाएको छ । महानगरले टुँडीखेल क्षेत्रमा सूचना टाँस्दै उक्त क्षेत्रमा राती हिड्दा जनमानसमा असुरक्षा हुने भन्दै सो बाटोमा हिड्न रोक लगाएको हो ।
महानगरले सो बाटोमा राति ८ बजेदेखि बिहान ५ बजेसम्म सर्वसाधारणलाई हिडडुल नगर्न ननुरोध गरेको छ । सो बाटोमा राति हिडडुल गर्दा अनैतिक क्रियाकलाप हुने, चोरी हुने, कपडाहरु तानिदिने जस्ता गुनासो आएपछि महानगरले सो निर्णय गरेको जनाइएको छ ।
