काठमाडौं । काठमाडौं महानगरपालिकाका २ सय ८ विद्यालयले छात्रावृद्धि वितरणको विवरण पठाएका छन् । महानगरपालिकाले छात्रावृद्धि वितरणको विवरण पठाउने विद्यालयको नाम सार्वजनिक गरेको छ ।
शैक्षिक सत्र २०८० का लागि कक्षा १० सम्मका विद्यार्थीलाई छात्रवृत्ति वितरण गरी नामावली पेस गर्न जेठ २३ गतेसम्मको समय सीमा तोकिएअनुसार ती विद्यालयले महानगरको शिक्षा विभागमा विवरण पेस गरेका हुन् ।
महानगरपालिकाले छात्रवृत्ति वितरणको विवरण उपलब्ध नगराएका विद्यालयको अनुमति तथा स्वीकृति भने रद्द गर्ने चेतावनी समेत दिएको छ ।
