काठमाडौं । प्रधानमन्त्री पुष्पकमल दहाल प्रचण्डले नेपालमा जन्म लिएका नागरिकले सहज ढङ्गले नागरिकता पाउन् र अनागरिकले नागरिकता नपाउन् भनेका छन् । भारतको भ्रमण सकेर शनिबार फर्किएका प्रचण्डले संसदमा प्रश्नहरुको सम्बोधन गर्दै विदेशीले नेपाली नागरिकता नपाउन् र नेपालीले सहजै नागरिकता पाउन् भन्ने धारणा व्यक्त गरेका हुन् ।
उनले विदेशी नागरिकले नागरीकता लिई राष्ट्रिय हित र राष्ट्रिय सम्वेदनशील विषयमा कतै गडबड गर्न नपाउन् भनेका छन् । २०६३ मा नै सर्वसम्मतिबाट गरिएको नागरिकता सम्बन्धि निर्णय अहिले गलत भएको भनेर विरोध गर्ननहुने प्रचण्डले बताए ।
अहिले प्रतिपक्षीले विरोध गरिरहेको नागरिकतासम्बन्धी विधेयकमा उल्लेखित विषयहरु पहिला आफैंले पनि समर्थन गरेको तर आफू सत्तामा नरहेपछि विरोध गरेको कार्य गलत रहेको उनले बताए ।
नेपालमा जन्म भएर पनि नागरिकता नपाएका र त्यसका कारण उच्च शिक्षा र बैंकीङ कार्य गर्न नसक्ने जस्ता समस्याहरुको समाधान गर्नका लागि नागरिकता विधेयक ल्याएको बताए ।
