काठमाडौं । सुनचाँदी बजारमा आज सुनको मूल्य २४ सय रुपैयाँले बढेको छ । मंगलबार छापावाला सुनको मूल्य प्रतितोला १ लाख १० हजार ५ सय रुपैयाँमा कायम भएको छ ।
सोमबार प्रतितोला १ लाख ८ हजार १ सय रुपैयाँमा कारोबार भएको सुनको मूल्य आज २ हजार ४ सय रुपैयाँले बढेर प्रतितोला १ लाख १० हजार ५ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मुलय प्रतितोला १ लाख ९ हजार ९ सय ५० रुपैयाँमा कायम भएको छ भने चाँदीको मूल्य प्रतितोला १ हजार ३ सय ७५ रुपैयाँमा कायम भएको महासंघले जनाएको छ ।
