काठमाडौं । सरकारले विद्यार्थीलाई दिने दिवा खाजालाई ८ अर्ब ४५ करोड रुपैयाँ बिनियोजन गरेको छ ।
सोमबार संघीय संसदको दुबै सदनको संयुक्त बैठकमा आर्थिक वर्ष २०८०/८१ को बजेट प्रस्तुत गर्दै अर्थमन्त्री प्रकाशशरण महतले सो रकम बराबरको बजेट विनियोजन गरेका हुन् ।
साथै दिवा खाजामा जंक फुड दिन नपाइने पनि सरकारले व्यवस्था गरेको छ । त्यस्तै, अर्थमन्त्री महतले सेनिटरी प्याडका लागि १ अर्ब ४२ करोड बजेट विनियोजन गरेको बताएका छन् ।
