काठमाडौं । । सुनचाँदी बजारमा आज सुनको मूल्य घटेको छ । शुक्रबार छापावाला सुनको मूल्य प्रतितोला १ लाख ८ हजार ३ सय रुपैयाँ कायम भएको छ ।
विहीबार प्रतितोला १ लाख ८ हजार ८ सय रुपैयाँ रहेको सुनको मूल्य आज ५ सय रुपैयाँले घटेर प्रतितोला १ लाख ८ हजार ३ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ । विहीबार पनि सुनको मूल्य १ हजार रुपैयाँले घटेको थियो ।
त्यस्तै, तेजावी सुन प्रतितोला १ लाख ७ हजार ८ सय रुपैयाँ कायम भएको छ भने चाँदी प्रतितोला ५ रुपैयाँले घटेर १ हजार ३ सय ४५ रुपैयाँ कायम भएको महासंघले जनाएको छ ।
