काठमाडौं । नेपाल राष्ट्र बैंकले ५ कम्पनीलाई नगद जरिवाना गरेको छ । राष्ट्र बैंकले नियम पालना नगर्ने ४ वटा विकास बैंक र १ वटा फाइनान्स कम्पनीलाई नगद जरिवाना गरेको हो । यसरी कारवाहीमा पर्नेमा कर्पोरेट डेभलपमेन्ट बैंक, साल्पा विकास बैंक, नारायणी डेभलपमेन्ट बैंक, सप्तकोशी डेभलपमेन्ट बैंक र मल्टीपपर्स फाइनान्स रहेका छन् ।
सप्तकोशी डेभलपमेन्ट बैंकले सिडि रेशियो कायम नगरेको भन्दै राष्ट्र बैंकले १९ लाख ३६ हजार ६ सय ३५ रुपैयाँ जरीवाना तिराएको छ । त्यस्तै नारायणी डेभलपमेन्ट बैंकलाई २ लाख ५१ हजार ३ सय २४ रुपैयाँ जरिवाना गरिएको छ । साल्पा विकास बैंकलाई १ लाख १० हजार २ सय ६५ रुपैयाँ र र्कोरेट डेभलपमेन्ट बैंकलाई १ लाख ९६ हजार २ सय ६५ जरीवाना गरिएको छ ।
यस्तै नारायणी डेभलपमेन्ट बैंकलाई अनिवार्य नगद अनुपात कायम नगरेको भन्दै ३ पटकसम्म जरीवाना तिराएको छ । जसमा पहिलोपटक ३ हजार ९ सय ४८ रुपैयाँ, दोस्रो पटक ६३ हजार ७ सय ८२ रुपैयाँ र तेस्रो पटक १ लाख ८ हजार ७ सय ७० रुपैयाँ जरिवाना तिराएको छ । त्यस्तै, मल्टिपर्पस फाइनान्सले पनि अनिवार्य नगद अनुपात कायम नगर्दा २ हजार ७ सय १ रुपैयाँ जरीवाना तिर्नुपरेको छ ।
