काठमाडौं । सुनचाँदी बजारमा आज सुनको मूल्य बढेको छ । आइतबार छापावाला सुनको मूल्य प्रतितोला १ लाख १० हजार रुपैयाँ कायम भएको छ ।
शुक्रबार प्रतितोला १ लाख ९ हजार २ सय रुपैयाँमा कारोबार भउको सुनको मूल्य आज प्रतितोला ८ सय रुपैयाँले बढेर १ लाख १० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख ९ हजार ५ सय रुपैयाँ कायम भएको छ भने चाँदी प्रतितोला १५ रुपैयाँले बढेर १ हजार ३ सय ८५ रुपैयाँ कायम गरिएको महासंघले जनाएको छ ।
