काठमाडौं । एसीसी प्रिमियर कपको फाइनलमा यूएईविरुद्ध नेपालको कसिलो बलिङ गरेको छ । १४ ओभरको खेलमा नेपालले ५२ रन खर्चेर ५ विकेट लिएको छ ।
नेपालका लागि करण केसीले २ सन्दिप लामिछानेले १, सोमपाल कामील १, ललित राजवंशीले १ विकेट लिएका छन् । आजको विजेताले एसिया कपमा खेल्ने अवसर प्राप्त गर्नेछ ।
प्रिमियर कपको उपाधि जित्ने टिमले एसिया कपमा भारत र पाकिस्तानसँगै समूह ‘ए’ मा स्थान पक्का गर्ने भएकाले पनि यो खेललाई नेपालले प्रतिष्ठाको विषय बनाएको छ । यद्यपी नेपाल हालसम्म एसिया कपमा छनोट हुन सकेको छैन ।
