काठमाडौं । कुमारी बैंकको २४ लाख कित्ता संस्थापक शेयर विक्रीमा राखेको छ । बैंकले विमलादेबी अग्रवालको नाममा रहेको कुल २४ लाख ८५ हजार ३ सय ३५ कित्ता संस्थापक शेयर विक्री गर्न लागेको हो ।
सो शेयर खरिद गर्न इच्छुक संस्थापकहरुले खरिद गर्न चाहेको शेयर संख्या र मूल्य समेत खुलाई ३५ दिनभित्र बैंकको शेयर रजिष्ट्रार कुमारी क्यापिटल लिमिटेड वा कुमारी बैंकको केन्द्रीय कार्यालय टंगालमा आवेदन दिन बैंकले अनुरोध गरेको छ ।
साथै, तोकिएको समयमा पूर्ण रुपमा आवेदन नपरेमा बैंकले अन्य व्यक्ती तथा संस्थालाई विक्री गर्ने समेत जनाएको छ ।
