काठमाडौँ । बाजुरा केन्द्रविन्दु भएर शुक्रबार बिहानै ५.९ म्याग्निच्युडको भूकम्प गएको छ । राष्ट्रिय भूकम्पमापन केन्द्रका अनुसार राति साढे १ बजे ५.९ म्याग्निच्युडको भूकम्प गएको हो । भूकम्पको धक्का देशका विभिन्न भागमा महसुस गरिएको थियो । भुकम्पकाे क्षतिकाे विवरण आएको छैन ।
बाजुरा केन्द्रविन्दु भएर पाँचदिनमा तेस्रोपटक भूकम्प गएको हो । वैशाख १० गते ४.१ म्याग्निच्युडको भूकम्प गएको थियो भने १४ गते ४.९ म्याग्निच्युडको भूकम्प गएको थियो ।
