काठमाडौं । सुनचाँदी बजारमा ३ दिनदेखि लगातार स्थिर रहेको सुनको मूल्य आज बढेको छ । बुधबार छापावाला सुन प्रतितोला १ लाख १० हजार ३ सय रुपैयाँ कायम भएको छ ।
मंगलबार प्रतितोला १ लाख १० हजार रुपैयाँ रहेको सुनको मूल्य आज ३ सय रुपैयाँले बढेर प्रतितोला १ लाख १० हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख ९ हजार ७ सय रुपैयाँ कायम गरिएको छ भने चाँदी प्रतितोला १० रुपैयाँले बढेर १ हजार ४ सय ४५ रुपैयाँ कायम भएको महासंघले जनाएको छ ।
