काठमाडौं । प्रभु बैंक र साविक सेञ्चुरी कमर्सियल बैंक एक आपसमा मर्जर भए प्रश्चात एकै ठाउँमा भएका दुवैका ५१ वटा शाखा बन्द हुने भएका छन् ।
जसमध्ये प्रभु बैंकका १० वटा र सेञ्चुरी कमर्सियल बैंकको ४१ वटा शाखा कार्यालयहरु एक आपसमा गाभिने भएका छन् ।
बैंकको एकै स्थानमा रहेका उक्त शाखाहरुलाई समायोजन गरि एउटै शाखाबाट कारोबार हुने भएका छन् । प्रभु र सेञ्चुरी बैंक मर्जर पश्चात प्रभु बैंकको नामबाट गत पुस २६ गते गतेदेखि एकीकृत कारोबार गरिरहेका छन् ।
दुबै बैंकबीच मर्जर भएको ३ महिना पछि शाखा कार्यालय गाभिने भएका हुन् । दुवै बैंकका ५१ वटा शाखा कार्यालय एक आपसमा गाभिएर बैशाख १० गतेदखि कारोबार हुने भएको बैंकले जनाएको छ ।
