कालिकोट । जिल्ला समन्वय समिति कालिकोटका सदस्य कालीबहादुर बिश्वकर्मा तीनदिनदेखि बेपत्ता भएका छन । शनिवार तिला नदीमा बेपत्ता भएका बिश्वकर्मा अझै फेला नपरेको प्रहरीले जनाएको छ ।
शनिबार जिल्लाको तिलागुफा नगरपालिका-१ भिग्म भन्ने स्थानमा तिलाबाट दाउरा निकाल्ने क्रममा बेपत्ता भएका विश्वकर्मा अझै फेला नपरेको प्रहरीको भनाइ छ । विश्वकर्माको खोजी कार्य जारी रहेको जिल्ला प्रहरी कार्यालय कालीकोटले जनाएको छ ।
गत स्थानीय निर्वाचनमा कांग्रेसबाट वडा सदस्य निर्वाचित ३७ वर्षीय विश्वकर्मा भदौमा गठबन्धनको तर्फबाट जिल्ला समन्वय समिति कालिकोटको सदस्यमा निर्वाचित भएका थिए ।
